Peanut Chutney l Palli ki Chutney l Hyderabdai Chutney recipe

Aaj hum Peanut chutney ki recipe banana sikhege jo bahut hi delicious banti hai. Hyderabad ki famous palli ki chutney hai aur koi bhi sabzi ka swaad badhana ho to aap is chutney ko sath me zarur serve kare.
Waise to chutney bahut tariko se banayi jati hai aur har chutney ka apna swad hota hai. Peanut chutney bhi kayi tariko se banti hai. Aaj hum authentic Peanut chutney banayege to chaliye bante hai.

Peanut chutney l Palli ki chutney

Ingredients :

• 1 cup mungfali 
• 1/4 cup Emli (tamarind)
• 1 medium size tomato
• 1 small size Pyaaz
• 4 lehsun ki kali
• 1/2 cup Pudina
• 1/2 cup Hara dhaniya
• 4 Harimirch
• Namak (salt as per taste)
• 1 tbsp Tel
  

Peanut Chutney banane ka tarika :

Sabse pehle mungfali ko 2 se  3 minute ke liye dry roast karege aur thanda hone ek plate me nikal lege aur chilka utarkar saf kar lege.

Aur emli ko bhi bhigokar rehne dege aur 10 minute bad emli ka pulp nikal lege

Ab usi pan me tel dalege aur tel garam hone dege

Tel garam hone ke bad lehsun ki kali, tamatar, pyaaz aur hari mirch ko medium flame par 2 se 3 minute ke liye bhun lege.

Ab ise bhi ek plate me nikalkar thanda hone dege

Ab ek mixer jar me saf ki huyi mungfali aur pyaaz hari mirch tamatar aur lehsun ki kali dal lege aur sath hi sath pudina hara dhaniya emli ka pulp aur namak dal lege.

Aur mixer me grind kar lege. Consistency gadhi hi rehne dege aur agar zarurat ho to thodasa pani dalkar grind kar lege.

Ab ek bowl me chutney nikal lege aur peanut chutney bankar ready hai.

Video dekhne ke liye niche button par click kare.